Եթե տարիներ առաջ կանխիկը գրեթե չուներ այլընտրանք, և միայն բարձր խավը կարող էր իրեն թույլ տալ բանկային փոխանցումներ իրականացնել, ապա այսօր մեր առաջ բաց են վճարման անսահման հնարավորություններ: Դրական կողմերի հետ միաժամանակ ավելացել են նաև ռիսկերը:
Որոշեցինք հասկանալ՝ որ վճարման մեթոդներն են ամենաապահովն ու հարմարը 2025 թվականին:
1. Տվյալների անվտանգություն
QR վճարումները, բջջային դրամապանակները և կրիպտոարժույթները չեն փոխանցում քարտային տվյալներ վաճառողին։ Այդ պատճառով դրանք ավելի անվտանգ են, քան սովորական POS տերմինալները։
Ապահով՝ QR, Apple/Google Pay, կրիպտո
Ավելի քիչ ապահով՝ Քարտի տվյալների մուտքագրում կայքերում, POS սարքեր
2. Գաղտնիություն
Այս կետով կանխիկը շարունակում է առաջատար մնալ, քանի որ տվյալների հետք չի մնում, հարմար է, սակայն պաշտպանված չէ գողությունից:
Բարձր գաղտնիություն՝ կանխիկ, կրիպտո
Ցածր գաղտնիություն՝ քարտով վճարում, վճարային կայքեր
3. Օգտագրծման անվտանգություն
Հեռախոսի միջոցով վճարումները (QR, NFC) հաճախ ունեն՝ Face ID, PIN, երկքայլ վավերացում։ Քարտերի անվտանգությունն իրականացվում է միայն վճարվող գումարի սահմանաչափով, որը գերազանցելու դեպքում հարկավոր է PIN կոդ հավաքել:
QR վճարումների ուժը հենց այն է, որ բանկային տվյալները չեն հայտնվում արտաքին հարթակներում, և դու ինքդ սկան ես անում, ոչ թե տերմինալն է կարդում։
Ռիսկեր
- POS սարքեր՝ հնարավոր է skimming (քարտի տվյալների կրկնօրինակման սարքեր)
- QR վճարումներ՝ չվստահելի տեղից սկան անելիս՝ կարող ես փոխանցել տվյալներ խաբեբային
- Կանխիկ՝ եթե կորցնում ես, չես վերականգնում
- Կրիպտո՝ եթե սխալ հասցե ես ուղարկում, գործարքը չես վերականգնում
Եզրակացություն
Եթե փնտրում ես ամենաապահով վճարման տարբերակը՝ դիտարկիր հետևյալ համադրությունը.
- Կրիպտո՝ եթե ունես փորձ և վստահություն այդ տեխնոլոգիայի նկատմամբ
- QR վճարում կամ բջջային դրամապանակ՝ երբ գործ ունես օնլայն կամ ֆիզիկական վաճառքների հետ
- Կանխիկ՝ եթե կարևորում ես լիարժեք գաղտնիությունը
